Qazaqstannyń 11 qalasynda «Ashyq aspan» rejımi engizilýde
«1 qarashadan bastap Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semeı qalalarynyń áýejaılarynda reısterdiń sany boıynsha shekteýlerdi alyp tastaýdy jáne qazaqstandyq tasymaldaýshylar júzege asyrmaıtyn baǵyttar boıynsha sheteldik avıakompanııalarǵa 5 dárejeli «aýa erkindigin» usynýdy kózdeıtin «ashyq aspan» rejımi engiziledi», - delingen habarlamada.
Atalmysh rejımdi Qazaqstanda engizý jańa sheteldik tasymaldaýshylardy tartýǵa, jańa halyqaralyq baǵdarlardyń ashylýyna, básekelestiktiń artýyna septigin tıgizip, eń aqyrynda avıabıletter qunynyń tómendeýine jáne áýe kóliginiń halyqtyń qalyń tobyna qoljetimdi bolýyna, sondaı-aq, týrızmniń damýyna jáne «Astana» halyqaralyq qarjy ortalyǵynyń kóliktik qoljetimdiliginiń ulǵaıýyna yqpal etedi.
Eske sala ketsek, Qazaqstan halqyna Joldaýynda Prezıdent Qasym-Jomart Toqaev Qazaqstanda ushaq bıletiniń qymbat bolýyna qatysty syn aıtqan bolatyn. Sondaı-aq, sol kezdegi QR Indýstrııa jáne ınfraqurylymdyq damý mınıstri Roman Sklıar Prezıdenttiń «ushaq bıleti qymbat» degen synyna qatysty másele retteletinine ýáde bergen edi.