Qazaqstannyń úsh qalasynda qolaısyz aýa raıy saqtalady

ASTANA. KAZINFORM – 23 shildede elimizdiń basym bóliginde qolaıly meteorologııalyq jaǵdaı kútiledi, dep habarlaıdy Kazinform «Qazgıdromet» RMK-ǵa silteme jasap.

Sınoptıkterdiń boljamynsha, Aqtóbe, Almaty jáne túnde Astanada qolaısyz aýa raıy saqtalady.

Qolaısyz meteorologııalyq jaǵdaılar – atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.

Buǵan deıin 22 shildede Qazaqstannyń qaı qalasynda aýa sapasy nasharlaıtynyn habarlaǵan edik.