Qazaqstannyń soltústiginde alty gradýsqa deıin sýyq bolady

ASTANA. KAZINFORM – Sınoptıkter respýblıkanyń 18 oblysynda aýa raıyna baılanysty eskertý jarııalady.

«Qazgıdromet» RMK málimeti boıynsha, 19 qyrkúıek kúni túnde Astanada topyraq betinde 1 gradýs úsik júredi.

Shymkentte keı jerlerde naızaǵaı oınaıdy. Ońtústik-batystan soǵatyn jel ekpini 15-20 m/s. Tótenshe órt qaýpi saqtalady.

Túnde jáne tańerteń soltústikte, Abaı oblysynyń ortalyǵynda tuman túsedi. Soltústik-shyǵystan jel soǵady, kúndiz oblystyń ońtústik-batysynda jeldiń jyldamdyǵy 15-18 m/s. Túnde 1-6 gradýs sýyq bolady. Oblystyń ońtústiginde asa joǵary órt qaýpi saqtalady.

Aqmola oblysynyń soltústigi men shyǵysynda túnde jáne tańerteń tuman kútiledi. Túnde oblystyń soltústigi men shyǵysynda eki gradýs sýyq bolady.

Aqtóbe oblysynyń basym bóliginde, ońtústik pen batysta joǵary órt qaýpi saqtalady.

Ońtústikte, Almaty oblysynyń taýly aýdandarynda soltústik-shyǵystan, shyǵystan soǵatyn jeldiń ekpini 15-20 m/s jetedi. Oblystyń soltústigi men batysynda joǵary órt qaýpi saqtalady.

Atyraý oblysynyń basym bóliginde joǵary órt qaýpi saqtalady.

Shyǵys Qazaqstan oblysynyń soltústigi men shyǵysynda túnde jáne tańerteń tuman túsedi. Túnde aımaqta 1-6 gradýsqa deıin sýytady. Batysta, ońtústikte jáne oblys ortalyǵynda joǵary órt qaýpi saqtalady.

Jetisý oblysynda soltústik-shyǵystan jel soǵady, Alakól kóli aımaǵynda ekpini 15-20, kúndiz keı jerlerde 23 m/s kúsheıedi.

Batys Qazaqstan oblysynda óńirdiń soltústigi men soltústik-shyǵysynda, oblystyń basym bóliginde joǵary órt qaýpi saqtalady.

Qaraǵandy oblysynyń shyǵysynda eki gradýs sýyq bolady. Oblystyń basym bóliginde, shyǵysynda jáne batysynda joǵary órt qaýpi saqtalady.

Qostanaı oblysynyń batysynda jáne soltústiginde túnde jáne tańerteń tuman túsedi. Soltústik-shyǵystan, shyǵystan jel soǵady, kúndiz oblystyń ońtústiginde ekpini 15-20 m/s. Túnde oblystyń batysy men soltústiginde eki gradýs sýyq bolady. Oblystyń ońtústiginde joǵary órt qaýpi saqtalady.

Qyzylorda oblysynyń soltústiginde, batysynda jáne ortalyǵynda naızaǵaı oınaıdy. Soltústik-shyǵystan ońtústik-batysqa aýysatyn jel ekpini 15-20 m/s. Oblystyń basym bóliginde joǵary órt qaýpi saqtalady, oblystyń soltústik-shyǵysynda jáne soltústik-batysynda joǵary órt qaýpi saqtalady.

Mańǵystaý oblysynda joǵary órt qaýpi saqtalady.

Túnde Pavlodar oblysynyń batysynda jáne soltústiginde tuman túsedi. Túnde oblystyń soltústigi men ońtústiginde úsh gradýs sýyq bolady.

Soltústik Qazaqstan oblysynyń batysynda, soltústiginde, shyǵysynda túnde jáne tańerteń tuman túsedi. Túnde oblystyń soltústigi men shyǵysynda eki gradýs sýyq bolady.

Ońtústikte, Túrkistan oblysynyń taýly jáne taý bókterindegi aýdandarynda naızaǵaı oınaıdy. Ońtústik-batystan, ońtústikte, oblystyń taýly jáne taý bókterindegi aýdandarynda 15-20 m/s jel soǵady. Aımaqtyń basym bóliginde tótenshe órt qaýpi saqtalady.

Ulytaý oblysynda shyǵystan jel soǵady, soltústikte, ońtústikte, oblys ortalyǵynda ekpini 15-20 m/s jetedi. Oblystyń basym bóliginde, soltústiginde jáne ońtústiginde joǵary órt qaýpi saqtalady.