Qazaqstannyń qaı óńirlerinde sý tasqyny qaýpi bar – Mınıstrlik boljamy

ASTANA. KAZINFORM – Kóktemde elimizdiń 10 óńirinde sý tasqyny qaýpi bar. Bul týraly Tótenshe jaǵdaılar mınıstri Shyńǵys Árinov Úkimet úıinde aıtty.

«Búgingi tańda elimizde aǵymdaǵy sý tasqyny jaǵdaıy birshama turaqtaldy. Qazgıdromettiń aqpan jáne naýryz aılarynyń sońyna boljamyna sáıkes, respýblıkanyń ońtústik-shyǵys, soltústik jáne ortalyq bólikterinde táýligine aılyq normamen mol jaýyn-shashyn túsýi múmkin. Osyǵan baılanysty 10 óńirdiń eldimekenderin, onyń ishinde Almaty, Túrkistan, Shyǵys Qazaqstan jáne Jetisý oblystarynda taý sýlarynyń aǵyny saldarynan sý basý qaýpi bar», - dedi mınıstr Úkimettiń búgingi otyrysynda.

Sonymen birge, Batys Qazaqstan, Aqmola, Soltústik Qazaqstan, Qaraǵandy, Pavlodar jáne Qostanaı óńirlerinde qardyń kóp erýine baılanysty sý tasqyny qaýpi bar.

«Sózsiz, mınıstrlik jergilikti atqarýshy organdarmen birlesip, sý tasqyny kezeńine daıyndyq boıynsha qajetti is-sharalar keshenin ótkizdi. «Kóktem» respýblıkalyq komandalyq shtabtyq oqý-jattyǵý sheńberinde basqarý organdarynyń kúshteri men quraldarynyń naqty daıyndyǵy tekserildi. Halyqty qulaqtandyrý pysyqtaldy, zardap shekken azamattardy jınaý pýnktteri daıyndaldy», - dedi Sh.Árinov.