Qazaqstannyń qaı óńirlerinde sý basý qaýpi bar

ASTANA. KAZINFORM – Sý resýrstary jáne ırrıgatsııa mınıstri Nurjan Nurjigitov sý tasqyny kezeńine boljam jasaýǵa múmkindik beretin Tasqyn aqparattyq júıesiniń jumysy týraly aıtty.

Júıeni Sý resýrstary mınıstrligi Tsıfrlandyrý jáne Ekologııa mınıstrlikterimen, sondaı-aq «Qazaqstan Ǵarysh Sapary» kompanııasymen birlesip ázirledi.

- Biz Tasqyn júıesinen jergilikti atqarýshy bılikke aqparat beremiz. Barlyq oblystar úsh aımaqqa bólindi. Sý basý qaýpi joǵary «qyzyl» aımaqqa Soltústik Qazaqstan, Shyǵys Qazaqstan jáne Abaı oblystary kirdi. Ortasha qaýipti aımaqqa segiz oblys, al sý tasqyny bolmaıtyn aımaqqa ońtústik oblystar endi, - dedi N. Nurjigitov Senatta tilshiler suraǵyna jaýap bere otyryp. 

Onyń aıtýynsha, júıe naqty rejımde jumys istep tur. 

- Sý tasqyny qaı jerde bolýy múmkin ekenin qyzyl túspen kórsetedi, sodan keıin jergilikti atqarýshy organdar sharalar qabyldaıdy, - dep túsindirdi mınıstr.

Eske salsaq, jaqynda «Qazsýshar» kásipornynyń oblystyq fılıaldary sý tasqynymen kúresý úshin 360 arnaıy tehnıka daıyndap qoıdy.