Sý tasqyny: Qazaqstannyń qaı avtojoldarynda qozǵalys shekteldi
ASTANA. KAZINFORM – Elimizdiń 4 oblysynda respýblıkalyq mańyzy bar 7 jol bóligin sý basty. Bul týraly «QazAvtoJol» UQ» AQ resmı ókili Sáken Dildahmet málimdedi.
«2024 jylǵy 9 sáýirdegi saǵat 17:00-degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa raıynyń jylynýy men qardyń tez erýi saldarynan 4 oblysta (Aqmola, Atyraý, Qostanaı, SQO) 7 jol júrý ýchaskesinde jalpy uzyndyǵy 3420 metr bolatyn sý tasqyny oryn aldy», - dedi S. Dildahmet Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, 6 oblysta (Aqmola, Aqtóbe, Atyraý, Qostanaı, Mańǵystaý, SQO) respýblıkalyq mańyzy bar 13 avtomobıl joldarynda (650 km) kóliktiń barlyq túrine shekteý qoıyldy.
Atap ótsek:
1. Aqmola oblysy:
- «Jezqazǵan - Petropavl» tas jolynyń 537-553 jáne 553-595 shaqyrymy, Surǵan jáne Buzylyq aýyldarynyń jáne SQO shekarasy ýchaskesi.
- «Qostanaı – Áýlıekól – Surǵan» tas jolynyń 232-260 shaqyrymy, Qostanaı oblysynyń shekarasy men Surǵan aýylynyń ýchaskesi.
2. Aqtóbe oblysy:
- «Qandyaǵash - Embi - Shalqar - Yrǵyz» tas jolynyń 3-92 shaqyrymy, Qandyaǵash q. - Embi q. ýchaskesi.
3. Atyraý oblysy:
- «Dossor - Qulsary - Beıneý - Saıótes - Shetpe - Jetibaı - Aqtaý» tas jolynyń 4-119 shaqyrymy, Dossor a. - Qulsary q. ýchaskesi.
- «Muqyr - Qulsary» tas jolynyń 0-136 shaqyrymy, Dossor a. - Qulsary q. ýchaskesi. Bul ýchaskede kólik keptelisi joq.
4. Qostanaı oblysy:
- «Marınovka aýylyna kireberis» tas jolynyń 0-9 shaqyrymy.
- «Denısovka Tavrıchenka - Arshaly - Komarovka» tas jolynyń 42-96 shaqyrymy, Prırechenka - Komarovka aýyldarynyń ýchaskesi.
- «Qostanaı - Jaqsy - Qarabutaq - Qostanaı» tas jolynyń 4-5 shaqyrymy, Gasheka kóshesi - «Kóktem» baqsha birlestigi ýchaskesi.
- «Qostanaı – Áýlıekól – Surǵan» tas jolynyń 218-232 shaqyrymy, Oktıabrskoe aýyly men Aqmola oblysynyń shekarasy ýchaskesi.
5. Mańǵystaý oblysy:
- «Dossor - Qulsary - Beıneý - Saıótes - Shetpe - Jetibaı - Aqtaý» tas jolynyń 210-220 shaqyrymy, Atyraý oblysynyń shekarasy - Boranqul a. ýchaskesi.
6. Soltústik Qazaqstan oblysy:
- «Roşınskoe - Korneevka - Voloshınka» tas jolynyń 0-47 shaqyrymy, Roşınskoe - Korneevka aýyldarynyń ýchaskesi.
- «Býlaevo - Vozvyshenka - Mologvardeıskoe - Kırovo-Qııaly - Roşınskoe» tas jolynyń 201-228 shaqyrymy, Shaǵaly - Roşınskoe aýyldarynyń ýchaskesi.
- «Voloshınka - Sergeevka - Tımırıazevo» tas jolynyń 0-32 shaqyrymy, Voloshınka - Krıvoşekovo aýyldarynyń ýchaskesi.
Qazirgi tańda respýblıkalyq joldarda 706 tehnıka men 1680 adam sý tasqynyn aldyn alý boıynsha jumys atqarýda.
