Qazaqstannyń burynǵy bas kólik prokýroryna izdeý salyndy
ALMATY. KAZINFORM – Qazaqstannyń burynǵy bas kólik prokýrory Maqsat Dúısenovke izdeý jarııalandy.
Bul týraly QR Bas prokýratýrasynyń Quqyqtyq statıstıka jáne arnaıy esepke alý jónindegi portaly habarlady.
Resmı málimetke súıensek, izdeý isi 29 tamyzda Almatynyń Almaly aýdanynda tirkelgen. Іzdeýdi prokýratýranyń bastamasymen Almaty Polıtsııa departamenti Almaly aýdandyq polıtsııa basqarmasy júrgizip jatyr.
Maqsat Dúısenov 1973 jyly dúnıege kelgen. ІІM organdarynda tergeý jáne basqarma jumystarynda, Qarjy polıtsııasynda, Memlekettik qyzmet isteri jáne sybaılas jemqorlyqqa qarsy is-qımyl agenttiginde eńbek etken.
Ol 2018 jylǵy tamyzdan 2019 jylǵy sáýirge deıin Qazaqstannyń bas kólik prokýrory qyzmetin atqardy.
Eske salaıyq, buǵan deıin Qazaqstan Respýblıkasynyń Іshki ister mınıstrligi izdeýde bolǵan NEF Qazaqstan basshysy Taryk Volkan Oskaıdyń ustalǵanyn rastaǵan edi.