Qazaqstannyń birqatar óńirlerinde nysandarǵa jylý berile bastady

Qazaqstannyń birqatar óńirlerinde jylytý maýsymy bastaldy. Eń aldymen, áleýmettik nysandar jylytýǵa qosylady, dep habarlaıdy QR Energetıka mınıstrliginiń baspasóz qyzmeti.

Búgingi tańda jylytý maýsymy Astana qalasynda, Aqmola, Shyǵys Qazaqstan, Qaraǵandy, Pavlodar, Qostanaı jáne Soltústik Qazaqstan oblystarynda bastaldy.

Atap aıtqanda, Shyǵys Qazaqstan oblysynyń Rıdder qalasynda 24 áleýmettik nysannyń 23 nemese 96%-y qosylǵan. Turǵyn úılerge ystyq sý berildi. Pavlodar oblysynyń Ekibastuz qalasy boıynsha 90 áleýmettik nysannyń 26 nemese 28,8% - y qosylǵan. Astana qalasynda 240 áleýmettik nysannyń 86 nemese 35,8% - y qosylǵan.

3 qazanda Almaty oblysynda; 10 qazanda Ulytaý oblysynda; 15 qazanda Almaty, Abaı oblysynda, Aqtóbe, Atyraý, Jambyl, Jetisý, Batys Qazaqstan, Qyzylorda, Mańǵystaý oblystarynda jylytýǵa qosylý kútilýde.

Jylytý maýsymyn Shymkentte 20 qazannan, Túrkistan oblysynda 25 qazannan bastaý josparlanýda.