Qazaqstannyń arnaıy jasaqtary halyqaralyq týrnırge qatysyp jatyr

ASTANA. KAZINFORM – Qazaqstannyń kúshtik qurylymdarynyń arnaıy bólinisteri Dýbaıda ótip jatqan "The UAE SWAT Challenge 2025" VI halyqaralyq jarystaryna qatysýda, dep habarlaıdy Polisia.kz.

Týrnır 1-5 aqpan aralyǵynda ótedi. Jarysta álemniń túkpir-túkpirinen kelgen 100-den astam komanda baq synaýda.

Qatysýshylar taktıkalyq jattyǵýlardy oryndap, kedergilerdi jeńip, shabýyldaý, joldastaryn qutqarý jáne munaralarǵa kóterilý sııaqty birqatar qıyn tapsyrmalardy eńserýi tıis.

Halyqaralyq arenada elimizdiń namysyn Іshki ister mınıstrliginiń, Qorǵanys mınıstrliginiń, Ulttyq qaýipsizdik komıtetiniń jáne Memlekettik kúzet qyzmetiniń komandalary qorǵaýda.

Polıtsııa vedomstvosynan jarysqa "Suńqar", "Arlan", "Búrkit" jáne Jyldam qımyldaıtyn arnaıy jasaǵynyń komandalary qatysyp jatyr.

Qazaqstan úshin JQAJ-dan "Tomırıs" áıelder komandasynyń debıýti erekshe mańyzǵa ıe. Bul qazaqstandyq tártip saqshylarynyń joǵary daıyndyǵyn kórsetedi.

Eki kúnniń qorytyndysy boıynsha týrnır kestesinde Qytaıdan kelgen jaýyngerler kósh bastap tur. Ekinshi orynda ІІM-niń "Suńqar" komandasy, al úshinshi orynda MKQ-nyń "Sardar" komandasy.

- Alda taǵy da birqatar synaqtar bar. Jaýyngerlerimizge jeńis tileımiz! — dep atap ótti ІІM.

Eske salaıyq, Qorǵanys mınıstri Sporttyq jáne jaýyngerlik sambo federatsııasyn basqaratynyn jazǵanbyz.