Alty aımaqta jol jabyldy, ásirese Jambyl, Túrkistan oblystarynda jaǵdaı kúrdeli

Kólik mınıstrligi el boıynsha alty óńirde jol jabyq turǵanyn eske saldy, dep habarlaıdy Kazinform. 

Jedel aqparatqa sensek, qazirgi ýaqytta respýblıkanyń 6 oblysynda aýa raıyna baılanysty respýblıkalyq mańyzy bar avtojoldar ishinara jabylǵan. 

Jambyl jáne Túrkistan oblystarynda «Batys Eýropa – Batys Qytaı» dálizi boıynsha Almaty oblysynan Shymkent qalasyna deıingi ýchaskede kúrdeli jaǵdaı saqtalyp otyr. 

Eske sala keteıik, buǵan deıin Shý-Otar aýmaǵynda 11 jolaýshy jáne 12 júk poıyzy toqtap turǵanyn habarlaǵan edik.

Keshe túnde Jambyl oblysynda óńirlik aýqymdaǵy tótenshe jaǵdaı jarııalandy.

ІІM baspasóz qyzmetiniń málimetinshe, jambyldyq polıtseıler avtojoldardaǵy jaǵdaı durystalyp, qaýip seıilgenshe azamattarǵa jan-jaqty kómek kórsetip jatyr.

Sondaı-aq Jambyl oblysynda jolda qalǵan adamdarǵa qyrǵyz qutqarýshylary kómekke keldi.

Túske qaraı Jambylda poıyz qozǵalysy qaıta jandandy.