Qazaqstannan negizinen qaı elderge aqsha kóp aýdarylady
Qazaqstanda aqsha aýdarý júıesi arqyly jasalatyn halyqaralyq aqsha aýdarymdarynyń kólemi qysqardy, dep habarlaıdy Kazinform agenttigi Ranking.kz monıtorıng ortalyǵyna silteme jasap.
2023 jyldyń qańtar-qazanynda AAJ arqyly shetelge jiberilgen qarajat kólemi 806,9 mlrd teńge boldy, bul byltyrǵydan 7,2% az.
2022 jyldyń qańtar-qazanymen salystyrǵanda shetelden túsken aqsha kólemi 2,2 ese azaıyp, bıyl 10 aıda 258,5 mlrd teńgeni qurady.
Elder boıynsha 2023 jyldyń qańtar-qazanynda QR-dan jiberilgen qarajattyń jartysynan kóbi tek eki elge ketti — Ózbekstan men Reseı: tıisinshe 232,8 mlrd teńge jáne 195,2 mlrd teńge.
Sondaı-aq Túrkııa (184,5 mlrd teńge) men Grýzııaǵa (76,7 mlrd teńge) aıtarlyqtaı mol somada aqsha jiberildi.
Túsken qarajattyń úshten birinen astamy Reseıden aýdaryldy: 94,2 mlrd teńge.
Qalǵany — Ózbekstan (28,5 mlrd teńge), AQSh (27,8 mlrd teńge) jáne Ońtústik Koreıaǵa (27,4 mlrd teńge) tıesili.
