Qazaqstannan alǵashqy kompanııa genderlik teńdik sertıfıkatyn aldy

ASTANA. KAZINFORM - KazFoodProducts Qazaqstanda birinshi bolyp EDGE genderlik teńdik sertıfıkatyn aldy. Bul jaıynda Aýyl sharýashylyǵy mınıstrliginen habarlandy. 

KazFoodProducts agroónerkásiptik holdıngi EDGE genderlik teńdik sertıfıkatyn aldy.

Qujat jeke sektorda genderlik ınklıýzıvti jumys oryndaryn yntalandyrý boıynsha nusqaýlyq pen standarttardy belgileıdi.

KazFoodProducts kompanııalar toby osy sertıfıkattaýdan ótken Qazaqstandaǵy birinshi kompanııa boldy.

Eńbektegi genderlik teńdiktiń halyqaralyq standarttaryna sáıkestigi boıynsha top músheleri sanalatyn «Baıan Sulý» AQ, «AzııaAgroFýd» AQ, «Bıopereıshns» JShS, «EMC agro» JShS jáne basqarýshy kompanııa «KazFoodProducts» JShS marapattaldy.

Kompanııa 1998 jyly qurylǵan jáne búginde Qazaqstandaǵy jetekshi agroónerkásiptik holdıngterdiń biri.

Holdıng 5 myńǵa jýyq adamdy jumyspen qamtyp, ishki naryqta satylatyn, sondaı-aq Brazılııa, AQSh, Ulybrıtanııa, Reseı, Túrkııa, Qytaı jáne Ortalyq Azııa elderine eksporttalatyn ónim shyǵaratyn 20 enshiles kásiporynnan turady.

EDGE sertıfıkatynyń ıegerleri arasynda Ekonomıkalyq yntymaqtastyq jáne damý uıymy (EYDU), Dúnıejúzilik bank toby, IFC, ıÝNISEF, Eýropalyq qaıta qurý jáne damý banki (EQDB), Chevron, IKEA, UniCredit, sııaqty álemdik ekonomıkalyq brendter bar.

Deloitte jáne basqa da kóptegen halyqaralyq uıymdar genderlik teńdikti óz qyzmetindegi basty basymdyq dep sanaıdy.