Qazaqstanǵa gúlder qaı memleketterden jetkiziledi

ASTANA. KAZINFORM — 2025 jyly Qazaqstan 77,6 mln AQSh dollary kóleminde 10 954 tonna gúl men gúl búrshigin ımporttaǵan, dep habarlaıdy Ulttyq statıstıka bıýrosynyń baspasóz qyzmeti.

Vedomstvo málimetinshe, 2024 jyly ımport kólemi budan 1,4 myń tonnaǵa artyq bolǵan.

Gúlderdiń negizgi jetkizýshisi — Ekvador. Jalpy ımporttalǵan gúl kóleminiń 41,9% nemese 4 586 tonnasy osy elden jetkizilgen.

Sondaı-aq iri kólemde gúlder kelesi elderden ákelinedi:

• Qytaı — 2 678 tonna
• Nıderland — 1 702 tonna
• Kolýmbııa — 778 tonna
• Kenııa — 739 tonna

— Jalpy ótken jyly gúlder álemniń 45 elinen jetkizildi. Qazaqstanǵa negizinen raýshan gúlderi ımporttalǵan — 6 219 tonna, — delingen habarlamada.

Osydan buryn Astanada halyqaralyq gúlder kórmesi ótkenin jazǵan edik.