Qazaqstanǵa bıylǵy mıllıonynshy týrıst keldi

Mıllıonynshy týrıst qyrkúıektiń sońǵy kúninde eQonaq aqparattyq júıesinde tirkeldi, dep habarlaıdy QazAqparat Kazakh Tourism baspasóz qyzmetine silteme jasap. 

Qytaıdan kelgen týrıst Almatyǵa 4 kúnge kelip, Rahat Palace Hotel qonaq úıinde aıaldady. 

Jalpy Qytaı elinen kelgen qonaqtar barlyq sheteldik qonaqtar arasynda úshinshi orynda.

Jyl basynan beri eQonaq-ta Qytaıdan 70 myńnan astam týrıst tirkeldi.

Birinshi jáne ekinshi orynda Reseı men Ózbekstannan kelgen týrıster ornalasqan.

Úzdik 10 elge Úndistan, Qyrǵyzstan, Túrkııa, Tájikstan, Germanııa, Mońǵolııa jáne AQSh týrısteri kiredi.

Sheteldik qonaqtardyń kópshiligi Almatyǵa – 343 myń týrıst jáne Astanaǵa – 174 myń týrıst keldi.

TOP-5 baǵytqa Almaty oblysy kiredi, oǵan 62 myń týrıst keldi, odan bólek Atyraý oblysyna – 58 myń týrıst jáne Mańǵystaý oblysyna – 52 myń týrıst kelgen.

Kazakh Tourism Týrızm jáne sport, Іshki ister mınıstrlikterimen jáne Ulttyq qaýipsizdik komıtetimen birlesip ázirlegen eQonaq aqparattyq júıesi sheteldik qonaqtardy esepke alýǵa jáne týrıstik aǵymnyń monıtorıngine arnalǵan.

Júıe kóshi-qondy baqylaý mindetin de oryndaıdy.