Qazaqstandyqtardyń tabysy azaıyp barady

NUR-SULTAN. QazAqparat – Qazaqstandyqtardyń naqty aqshalaı tabysy 2 paıyzǵa tómendedi. Bul jaıynda Ulttyq statıstıka bıýrosynan málim etti, dep habarlaıdy QazAqparat tilshisi.

«2022 jylǵy maýsymda halyqtyń orta eseppen jan basyna shaqqandaǵy ataýly aqshalaı tabysy baǵalaý boıynsha 145 592 (aldyn ala derekter) teńge boldy. Bul – 2021 jylǵy maýsymǵa qaraǵanda 12,2 paıyzǵa joǵary. Naqty aqshalaı tabys kórsetilgen kezeńde 2 paıyzǵa tómendedi», - dep atap ótedi bıýrodan.

Vedomstvo málimetinshe, 2022 jylǵy shildede jumyssyzdar sany baǵalaý boıynsha 450,1 myń adam boldy. Jumyssyzdyq deńgeıi jumys kúshi sanynyń 4,8 paıyzyn qurady. Jumyspen qamtý organdarynda jumyssyzdar retinde tirkelgen adamdar sany 2022 jylǵy shildeniń sońyna 229,1 myń adamǵa nemese jumys kúshiniń 2,5 paıyzyna jetti. Al, 2022 jylǵy shildede bir qyzmetkerdiń ortasha aılyq ataýly jalaqysy baǵalaý boıynsha 312 124 teńge boldy.