Qazaqstandyqtar Perseıd juldyzdar aǵynyn tamashalaı alady

NUR-SULTAN. QazAqparat – 2020 jyldyń 12 tamyzynan 13-ne qaraǵan túni qazaqstandyqtar jyl saıyn shilde-tamyzda bolatyn Perseıd dep atalatyn meteorlyq juldyz aǵynyn tamashalaıdy, dep habarlaıdy QazAqparat tilshisi.

«2020 jyly Perseıd juldyz aǵyny 17 shildeden bastalyp 26 tamyzǵa deıin jalǵasady. Eń kóp uldyz jaýatyn mezgil 13 tamyz kúni túnde bolady. Bul túni aǵyp jatqan 110 meteordy nemese ár mınýt saıyn 1-2 meteordy tamashalaýǵa múmkindik bar», - delingen Máskeý planetarııa habarlamasynda .

Astronomdar juldyzdardyń qulaýy – bul meteorlyq aǵyn dep esepteıdi. Olar Jer atmosferasyna túsetin jáne onda kúıip ketetin kometalardyń bólshekteri, meteorlar jol boıynda juldyzdar sekildi jarqyraıdy. Ony Jerden tamashalaǵanda meteorlar qulaıtyn ortalyq Perseı shoqjuldyzynda ornalasqandaı kórinedi. Shyndyǵynda, meteorlyq aǵynnyń bul shoqjuldyzǵa eshqandaı qatysy joq.

Juldyzdar jaýatyn mezgildi túngi saǵat 2-4 aralyǵynda soltústik-shyǵys baǵytqa qarap tamashalaýǵa bolady.