Qazaqstandyqtar Konstıtýtsııa kúni men Qurban aıtta eki kún demalady

ASTANA. QazAqparat - Jazdyń sońǵy kúnderi men kúz aıynyń basyndaǵy jumys aptasy qazaqstandyqtar úshin úsh-aq kúnge sozylady, dep habarlaıdy QazAqparat.

Konstıtýtsııa kúni qurmetine - sársenbi,  al Qurban aıtqa oraı juma kúnderi demalys dep jarııalandy.

Konstıtýtsııa kúni jyl saıyn 30 tamyzda toılanady. 2017 jyldyń merekelik jáne demalys kúnderiniń kúntizbesine sáıkes, qazaqstandyqtar bul merekeniń qurmetine sársenbi kúni ǵana demalady.

Bıyl Qurban aıt merekesiniń alǵashqy kúni 1 qyrkúıek - jumaǵa túsip otyr. QR Eńbek kodeksiniń 84-baby, 5-tarmaǵynda Qazaqstandaǵy dinı merekeler jumys rejimi men aýysym kestesinen tys demalys dep kórsetilgen.

Osylaısha, dúısenbi, seısenbi jáne beısenbi ádettegi jumys kúni bolsa, sársenbi, juma, senbi jáne jeksenbi - demalys.