Qazaqstandyqtar qandaı elderge ushyp bara alady

NUR-SULTAN. QazAqparat –Qazaqstanda 16 elmen halyqaralyq áýe qatynasy jańartý jáne ulǵaıtýǵa ruqsat etildi. Mundaı sheshimdi QR Premer-Mınıstriniń orynbasary Eraly Toǵjanovtyń tóraǵalyǵymen Covid-19 taralýyna jol bermeý jónindegi vedomstvoaralyq komıssııanyń otyrysynda qabyldandy, dep habarlaıdy QazAqparat.

Atap ótkende, Qazaqstannyń Reseı Federatsııasymen áýe qatynasy 54 reıske, Túrkııamen – 7 reıske, Birikken Arab Ámirlikterimen – 9 reıske, Ózbekstanmen – 5 reıske, Germanııamen – 5 reıske, Maldıvpen – 3 reıske, Koreıamen – 6 reıske, Polshamen – 2 reıske, Vengrııamen – 1 reıske, Saýd Arabııasymen – 1 reıske ulǵaıtyldy.

Qazaqstannan Chehııa eline turaqty reıster aptasyna eki reıs jıilikpen ushady, Qytaıǵa – aptasyna segiz reıs, Ázerbaıjanǵa – aptasyna úsh ret ushady. Qazaqstannan Italııaǵa aptasyna eki ret, Shrı-Lankaǵa – aptasyna úsh ret, Kýveıtke – aptasyna úsh ret ushatyn turaqty reıster ashyldy.Qazirgi kezde áýe kompanııalar ushý kestesin quryp jatyr.
Reısterdiń oryndalýy joǵaryda atalǵan elderdiń tıisti ókiletti organdarymen kelisiledi.
Barlyq reıster sanıtarlyq-epıdemıologııalyq talaptardyń qatań saqtalýymen jáne áýe kompanııalarynyń saıttarynda jarııalanǵan kestege sáıkes oryndalady.