Qazaqstandyqtar IPO-nyń qyr-syryn Gonkongte oqyp úırenedi

GONKONG. QazAqparat - «Astana» Halyqaralyq qarjy ortalyǵy (AHQO) Qazaqstannyń Gonkongtegi Bas konsýldyǵynyń qoldaýymen Gonkongtiń Raffles Partners Asset Management (HK) Ltd. ınvestıtsııalyq tobymen kásibı oqytý salasyndaǵy ózara yntymaqtastyq týraly memorandýmǵa qol qoıdy, dep habarlaıdy «QazAqparat» HAA-nyń menshikti tilshisi.

Qujatta qazaqstandyq mamandardy Raffles Partners Asset Management (HK) Ltd. tobynda kapıtal tartý jáne óz kompanııalaryn ІRO-ǵa ótýge ázirleý boıynsha oqytyp, taǵylymdamadan ótkizý kózdelgen.

Gonkongta oqýǵa úmitkerlerdi irikteý úshin AHQO Úzdiksiz kásibı damytý bıýrosy Pre-IPO baǵdarlamasy aıasynda Nur-Sultan qalasynda bir aılyq trenıng ótkizedi. Oǵan kez kelgen maman qatysa alady. Trenıngtiń úzdik túlekteri 2019 jylǵy 8 shildede Gonkongqa bir aılyq taǵylymdamaǵa jiberiledi.

Avtor: Sadyq Ákejanov