Qazaqstandyqtar elorda kúni merekesinde qalaı demalady

ASTANA. QazAqparat – Qazaqstandyqtar elorda kúni merekesinde qalaı demalady? Eńbek jáne halyqty áleýmettik qorǵaý mınıstrligi Úkimet qaýlysyn jarııalady, dep habarlaıdy QazAqparat tilshisi.

«Demalys kúni 2023 jylǵy 1 shilde senbiden 2023 jylǵy 7 shilde jumaǵa aýystyrylsyn», - delingen Úkimet qaýlysynda.

Qujatqa qosymsha berilgen túsindirmede bul mereke kúnderi kezinde jumys ýaqytyn utymdy paıdalaný maqsatynda jasalyp jatqany jazylǵan.

Osylaısha, qazaqstandyqtar elorda kúni merekesinde eki kún - 6, 7 shildede demalady.

Bes kúndik jumys kestesimen eńbek etetinder úshin 6, 7 shilde jáne odan ári senbi, jeksenbi kúnderi demalys bolady.

Qaýlyny talqylaý 15 naýryzǵa deıin ashyq talqylaýda bolady.