Qazaqstandyqtar Dımashty týǵan kúnimen quttyqtap jatyr

ALMATY. QazAqparat - Qazaqstandyqtar jelide belgili ánshi Dımash Qudaıbergenovti 24 jasqa tolýymen quttyqtap jatyr, dep habarlaıdy QazAqparat tilshisi.

Qazaqstandyqtar Instagramdaǵy jańa klıptiń astyna quttyqtaý qaldyryp jatyr.

«Týǵan kúnińmen, Dımash! Eń aldymen deniń saý bolsyn. Únemi ezýińnen kúlki ketpeı, osyndaı qarapaıym, meıirban, ómirge qushtar qalpyńnan taıma. Shyǵarmashylyǵyńa zor tabys tileımiz», - dedi fanattar.

Aıta ketý kerek, ánshi týǵan kúnine oraı Screaming ánine beıneklıp túsirdi.

Qazaqstandyq ánshi óziniń jańa beınebaıanyn 23 mamyrda YouTube vıdeohostınginde jarııalaǵan bolatyn. Bir táýlik ishinde ony 12 myń qoldanýshy tamashalaǵan.

«Dımashtyń erekshe vokaly sapaly vıdeoqatarmen órilgen. Ǵajap vızýaldy effektiler men erekshe daýystyń qosylýynan osyndaı shedevr týyndaǵan», - dedi fanattardyń biri Nephi Acaling.

Byltyr Dımash týǵan kúnine qytaılyq fanattarynan tort pen qurmet qaǵazyn alǵan bolatyn. Sondaı-aq Guardians dep atalatyn jankúıerler toby ánshiniń týǵan kúni qarsańynda Astanadaǵy úlken LED ekrandarda Dımash týraly vıdeolardy ornalastyrdy. k

Al astanalyqtar oǵan mýzykalyq fleshmob uıymdastyrdy.