Qazaqstandyqtar bıylǵy tórt aıda shetelge 259,3 mlrd teńge aýdarǵan
368,8 mlrd teńgeniń 259,3 mlrd teńgesi shetelge jiberilgen aqsha, bul bir jyl burynǵydan 11,5% tómen. Bul rette tranzaktsııalar sany 11,8% artyp, 749,1 myńǵa jetti.
Shetelden kelgen qarjy kólemi 109,6 mlrd teńge boldy, bul ótken jylǵymen shamalas. Tranzaktsııalar sany nebári 0,5%, 397,6 myńǵa deıin artty. Nátıjesinde aqsha aýdarý júıeleri arqyly shetelden alynǵan bir aýdarymnyń ortasha túbirtegi 0,5%, 275,6 myń teńgege deıin azaıdy.
Bıyl qańtar-sáýirde Qazaqstannan jóneltilgen aqsha kólemi boıynsha Túrkııa kósh bastap tur: 70,7 mlrd teńge, bul ótken jyldyń qańtar–sáýir aılarymen salystyrǵanda 9,4% tómen. Odan keıingi orynda Reseı, onda jiberilgen qarjy bir jylda bir jarym eseden astamǵa artyp, 69,2 mlrd teńgeni qurady. Úshinshi orynda – Ózbekstan: 51,7 mlrd teńge, aýdarymdar 17,7% azaıǵan. Sonymen qatar Grýzııaǵa 27,6 mlrd teńge aýdaryldy. Bul bir jyl burynǵydan 20,2% kóp. Qyrǵyzstanǵa aýdarylǵan aqsha kólemi 5,2 ese, ıaǵnı 43,1 mlrd teńgeden 8,2 mlrd teńgege deıin azaıdy.
Shetelden túsken qarajat boıynsha jóneltýshi elder arasynda Reseı kósh bastap tur, onyń úlesine QR-ǵa jiberilgen qarajattyń jalpy kóleminiń 40,4%keledi: 44,2 mlrd teńge, 2022 jylǵy qańtar–sáýirdegiden 65,6% kóp. Ózbekstan, Ońtústik Koreıa jáne AQSh-tan Qazaqstanǵa tıisinshe 11,9 mlrd teńge, 10,9 mlrd teńge jáne 10,8 mlrd teńge aýdarylǵan. Aqsha aýdarymy azaıdy: Ózbekstannan — 12,9%, Ońtústik Koreıadan — 22,6%, AQSh-tan — 34,6%.