Qazaqstandyqtar bir aptada 1 152 tehnıkany ýtılızatsııaǵa tapsyrdy

NUR-SULTAN. QazAqparat – Qazaqstanda 11 qańtardan bastap ýtılızatsııaǵa eski kólikter qaıta qabyldana bastaǵan bolatyn. Alǵashqy aptanyń ózinde qabyldaý beketterine 1 152 tehnıka jetkizildi, dep habarlaıdy QazAqparat tilshisi.

«18- 23 qańtar aralyǵynda qabyldaý beketteri 1 152 tehnıkany joıýǵa qabyldady. Atap aıtqanda 856 jeńil avtokólik, 289 jolaýshy jáne júk kóligi, sondaı-aq 7 aýylsharýshylyq tehnıkasy tapsyryldy. Kólik tapsyrǵan azamattarǵa 322,8 mln teńge qarajat tólendi», - dep aqparat taratty ÓKM operatorynyń baspasóz qyzmetinen.

Eske sala ketsek buǵan deıin ÓKM operatory 18 qańtardan bastap eskirgen aýyl sharýashylyǵy tehnıkalary ýtılızaýtsııaǵa qabyldanatynyn jarııa etken. 8 qańtardan bastap Qostanaı, Petropavl, Kókshetaý, Aqtóbe, Qaraǵandy, Qyzylorda, Taldyqorǵan, Shymkent qalalarynda, 1 aqpannan bastap Pavlodar, Almaty jáne Taraz qalalarynda eski tehnıkalardy ótkizýge bolady.