Qazaqstandyq zaýyttar táýligine 1,5 mln medıtsınalyq maska shyǵarady

NUR-SULTAN. QazAqparat – Qazaqstannyń kásiporyndary el turǵyndaryn pandemııaǵa qarsy qorǵanysh zattarymen tolyq qamtamasyz etip otyr , dep habarlaıdy QazAqparat tilshisi.

Bul týraly Indýstrııa jáne ınfraqurylymdyq damý mınıstrligine qarasty Indýstrııalyq damý komıtetiniń tóraǵasy Marat Qarabaev aıtty.

«Pandemııa kezinde otandyq kásiporyndary ózara jumylyp jumys isteı aldy. Іndet bastalǵan kezde otandyq óndirýshiler táýligine 130 myń medtsıtsınalyq maska shyǵara alatyn edi. Qazir sol kásiporyndardyń qýattylyǵy kúnine 1,5 mln betperdege jetti. ıAǵnı qysqa merzimde kásiporyndar jańa óndiris alańdaryn iske qosa aldy. Sol sııaqty otandyq kásiporyndar kúnine 330 myń qolǵap shyǵaratyn deńgeıge jetti. Eldegi 6 zaýyt bir aıda 500 myń qorǵanysh kostıýmderin shyǵaryp otyr. Bul óz qajettiligimizdi tolyq qamtamasyz etýge jetkilikti», - dedi komıtet tóraǵasy ortalyq kommýnıkatsııalar qyzmetinde.

Pandemııa órshigen tusta halyq ókpeni jasandy jolmen tynystandyratyn apparat tappaı qysylǵany belgili. Qazir bul qondyrǵylardyń óndirisi de jolǵa qoıylyp otyr. Komıtet basshysynyń sózine qaraǵanda, el astanasynda jedel qurylǵan zaýyt búginge deıin elimizdiń 17 óńirine de óz ónimin jetkizip úlgergen.

«Budan basqa ókpeni jasandy tynys aldyratyn apparat jasaıtyn zaýyt iske qosyldy. Qazir ondaı apparattyń eki túrin shyǵarady. Ókpeni jasandy jeldetetin jedel apparat buryn da shyǵarylatyn. Pandemııa kezinde el ishinde 500 dana, Tájikstan jáne Qyrǵyzstan elderine gýmanıtarlyq kómek retinde taǵy 300 apparat qoıyldy. Nur-Sultan qalasynda «Qazaqstan Aselsan ınjınırıng» kompanııasy tez arada iske qosylyp, ókpeni jasandy jeldetý úshin medıtsınalyq kabınetterge qoıylatyn keshendi apparattar óndirisi uıymdastyryldy. Nátıjesinde elimizdiń 17 óńirinde 297 aýrhanaǵa 1,5 myń sondaı apparat jetkizildi», - dedi Marat Qarabaev.