Qazaqstandyq veloshabandoz Ońtústik Koreıadaǵy jarysta jeńiske jetti

ASTANA. QazAqparat - Ońtústik Koreıada TourdeDMZ 2017 tasjolyndaǵy kópkúndik velojarys óz máresine jetti. Ult Kýbogy kezeńderiniń biri sanalatyn dodaǵa jasóspirimderdiń 21 komandasy qatysty, olardyń arasynda Qazaqstan ulttyq quramasy da bar, dep habarlaıdy QazAqparat «Qazaqstan velosıped sporty federatsııasy» óńirlik qoǵamdyq uıymynyń baspasóz qyzmetine silteme jasap.

Qazaqstandyq veloshabandozdar barlyq tórt kezeńniń toptyq jarysynda senimdi ári úılesimdi oıyn kórsetip, basqa elderden kelgen qarsylastaryna basty klassıfıkatsııada jeńiske jetýlerine múmkindik bermedi.

 

Kópkúndik jarysta 17 jastaǵy taldyqorǵandyq Igor Chjan jeńimpaz atandy. Ol sondaı-aq eki nomınatsııa boıynsha da úzdik tabyldy - «Úzdik jas shabandoz» jáne «Upaılar boıynsha klassıfıkatsııa». Altyn medaldan bólek, quramamyzdyń qorjyny kúmis jáne qola júldelermen tolyqty: ekinshi oryndy Danııl Marýhın, al úshinshi oryndy Oljas Baembaev ıelendi. Sondaı-aq «Taýdaǵy klassıfıkatsııa» boıynsha da jeńis qazaqstandyq Oljas Baembaevqa buıyrdy.  

 

Evgenıı Fedorov, Gleb Brýsenskıı men Nurbergen Nurlyqasym basty klassıfıkatsııada sáıkesinshe 4-shi, 6-shy jáne 9-shy oryndarǵa jaıǵasty.

Eske salaıyq, 2017 jyly tasjoldaǵy velosıped sportynan álem chempıonaty 16-24 qyrkúıek aralyǵynda Norvegııada ótedi.