Qazaqstandyq ýnıversıtet brıtandyq sapa belgisin alady

ASTANA. QazAqparat – Búgin M.S. Nárikbaev atyndaǵy KAZGıÝÝ ýnıversıteti Basqarma tóraǵasy Talǵat Nárikbaev QAA brıtandyq akkredıtatsııalyq agenttiktiń Halyqaralyq jáne kásibı qyzmetter boıynsha dırektory Edýardo Ramospen joǵary bilim salasyndaǵy sapany baǵalaý boıynsha halyqaralyq kelisimge qol qoıdy. Bul shara Londonda Qazaqstan-brıtan úkimetaralyq komıssııasynyń 9-otyrysy aıasynda ótti, dep habarlaıdy QazAqparat.

«QAA akkredıtatsııasy qazaqstandyq joǵary oqý oryndarynyń brıtandyq sapa standarttaryna sáıkes kelýinde mańyzdy kórsetkishi», - dedi QR Ǵylym jáne joǵary bilim mınıstri Saıasat Nurbek.

Buǵan deıin Ýnıversıtet FIBAA eýropalyq táýelsiz agenttiktiń ınstıtýtsıonaldyq akkredıtatsııasyn alǵan bolatyn.

«Bul seriktestik brıtan (halyqaralyq) sapa belgisin alýǵa negiz bolady», -dedi Talǵat Nárikbaev.

Birikken Koroldikke sapar barysynda KAZGıÝÝ delegatsııasynyń Oksford ýnıversıtetiniń Islam zertteýleri ortalyǵy, Kembrıdj Ýnıversıtetiniń quqyq fakýlteti, bilim berý salasyndaǵy yntymaqtastyq qurylymy (Cambridge Education Partnership), jáne basqa da brıtandyq oqý oryndary basshylyǵymen nysandy kezdesýleri josparlanǵan.

Eske salsaq, Ekaterına Shýlman M.Nárikbaev atyndaǵy KAZGıÝÝ Ýnıversıtetiniń professory atandy.