Qazaqstandyq túlekterge grant sany týraly aqparat beriledi

ASTANA. QazAqparat - Qazaqstandyq mektep bitirýshilerge ulttyq biryńǵaı testileý sertıfıkatymen birge memlekettik grant sany týraly aqparattyq anyqtama beriledi, dep habarlaıdy QazAqparat tilshisi.

Bul týraly QR Bilim jáne ǵylym mınıstrligi Ulttyq testileý ortalyǵynyń dırektory Ramazan Álimqulov Ortalyq kommýnıkatsııalar qyzmetinde ótken baspasóz máslıhatynda málim etti.

«UBT qorytyndysy boıynsha sertıfıkatpen birge túlekterge qaı mamandyqqa qansha memlekettik grant bólinetini týraly aqparattyq anyqtama beremiz. Bul Bilim jáne ǵylym mınıstrligi tarapynan beriletin óte paıdaly aqparat, bul arqyly mektep bitirýshi memlekettik konkýrsqa qujat tapsyrarda durys tańdaý jasaıdy dep úmittenemiz. Olardan aldyn ala memlekettik grant alýda qandaı múmkindikterge ıe ekenin baǵamdap, ata-analarymen aqyldasýyn suraımyz», - dedi Ramazan Álimqulov.

Aıta keteıik, 2018 jylǵy Ulttyq biryńǵaı testileý 20 maýsym - 1 shilde aralyǵynda ótedi. Testileýge respýblıka boıynsha bıyl 102 myń adam qatysady. Onyń 75,4% nemese 77 243 túlek testileýdi qazaq tilinde, 25 178 túlek (24,6%) - orys tilinde jáne 46 túlek - aǵylshyn tilinde tapsyrady.

Buǵan deıin Ulttyq testileý ortalyǵynyń basshysy Ulttyq biryńǵaı testileý barysynda menıngıtten qorǵaný sharalary júrgiziletinin habarlaǵan edi.