Qazaqstandyq tennısshi Ystanbul týrnıriniń jeńimpazy atandy

NUR-SULTAN. QazAqparat – Qazaqstandyq Karına Jumajanova juptyq synda 18 jasqa deıingiler arasynda Ystanbulda márege jetken tórtinshi sanattaǵy týrnırde jeńimpaz atandy, dep habarlaıdy QazAqparat tilshisi.

Karına frantsııalyq Margo Fantalamen birge fınalda jarystyń 3-raketkalary - mysyrlyq Marıam Ibrahım, malaızııalyq Sýn ıAn Tanmen sheberlik baıqasty.

Qazaqstandyq-frantsııalyq jup tartysty básekede 3:6, 6:1, 10:8 esebimen jeńiske jetti.

Karına Jumajanova jekeleı synda shırek fınalǵa deıin jetip, onda norvegııalyq Emılııa Lýndege ese jiberdi – 5:7, 3:6.

Sondaı-aq, Almaty qalasyndaǵy «Eıs» tennıs ortalyǵynda «Almaty Masters 10&Under» týrnıri aıaqtaldy. Oǵan elimizdiń barlyq óńirlerinen 70-ten astam balǵyn tennısshi qatysty.

Qyzdar arasynda fınalda taldyqorǵandyq Aıym Qanaǵatovany jeńgen almatylyq Ádemi Álseıpýlova chempıon atandy. Úshinshi oryn elordalyq Polına Lazarenkoǵa buıyrdy.

Ul balalar arasynda sońǵy synda elordalyq Bolatjan Nurdáýletti súrindirgen óskemendik ıÝgaı Lev úzdik shyqty. Qaraǵandylyq Temirlan Jantemirov qola júldege ıe boldy.

Eske sala keteıik, budan buryn jas tennısshi Zańǵar Nurlanulynyń Eýropa reıtınginde kósh bastap kele jatqanyn jazǵan bolatynbyz.