Qazaqstandyq shynjyr tabandy aýyr tehnıkalar eksportqa shyǵa bastady
ASTANA. QazAqparat - «GT-T» markili alǵashqy qazaqstandyq súıregish tehnıkalar eksportqa jiberildi, dep xabarlaıdy QazAqparat tilshisi.
2019 jyldyń basynan beri QR Qorǵanys jáne aeroǵarysh ónerkásibi mınıstrligi «Qazaqstan ınjınırıng» UK» AQ-nyń «Semeı mashına qurastyrý zaýyty» enshiles kásiporny Reseıge tórt dana shynjyr tabandy súıregish tehnıkany jiberdi, dep xabarlaıdy QR QAÓM baspasóz qyzmeti.
Zaýyttyń bas dırektory Nurlan Omarovtyń aıtýynsha, qazirgi ýaqytta kásiporynnyń óndiretin mashınalarynyń basym bóligi - Qazaqstannyń úlesinde jáne sıpattamasy boıynsha sheteldik ónimderden kem túspeıdi.
«GT-T» shynjyr tabandy súırgish kólik - aldyńǵy dońǵalaqtary qozǵalysqa túsetin, korpýsy kóterýshi materıaldan jasalǵan tez júretin mashına. Ol qolaısyz aýa raıynda topyraqta (batpaqty jerlerde, qar jaýǵanda, jolsyz jerlerde, shól dalada, taýly aımaqtarda) aýa temperatýrasy + 60 S-den bastap - 70 S-ǵa deıingi jaǵdaıda jumys isteýge arnalǵan. Búginde «Semeı mashına qurastyrý zaýyty» AQ TMD aýmaǵynda osyndaı texnıkany shyǵaratyn jalǵyz óndirýshi», dep atap ótti baspasóz qyzmeti.
