Qazaqstandyq ónimder ımporttaýshy elderdiń «kúmándi» tizimine engen
«Búginde Qazaqstan Respýblıkasynyń aýmaǵynda 900-ge jýyq synaq zerthanasy akkredıttelgen. Synaq jumystaryn júrgizgen kezde zerthanalar Qazaqstan Respýblıkasynyń standarttaryn, Qazaqstan Respýblıkasynyń, Keden odaǵy men EAEO-nyń memleketaralyq standarttary men tehnıkalyq reglamentterin basshylyqqa alady», - dedi Almat Orynǵalıuly.
Onyń aıtýynsha, birneshe jyl boıy BAQ-ta shet memleketter aýmaǵyna qazaqstandyq ónimderdi kirgizbeıtindigi týraly aqparat jarııalanyp keledi.
«Bul astyq ónimderine, raps maıyna, sút ónimderine jáne taǵy basqa ónimge qatysty. Sebebi barlyq jaǵdaıda uqsas jáne jedel synama kezinde ónimniń quramynda málimdelmegen kórsetkishterdi anyqtaýǵa baılanysty boldy. ıAǵnı, Qazaqstan Respýblıkasynda júrgizilgen synaqtardyń nátıjeleri sheteldik zerthanalardyń synaq nátıjelerine sáıkes kelmedi. Osynyń barlyǵy qazaqstandyq ónimderdi sapasyz ónimdermen baılanystyra bastaýyna jáne ımporttaýshy elderde kúmándi ónimder qataryna enýine ákeledi. Qazaqstandyq zerthanalardyń synaq nátıjelerine senimsizdik artýda. Test nátıjelerin taný protsesi joǵalady», – dedi ol.
Departament basshysynyń dereginshe, bul máseleniń kem degende eki sebebi bar. Birinshisi – ımport-eksportqa qatysatyn elderdiń standarttarynda belgilengen qoldanbaly synaq ádisteriniń elementarlyq aıyrmashylyǵy. Ekinshisi – qoldanylǵan synaq jabdyqtarynyń aıyrmashylyǵy. Qazirgi ýaqytta elimizdiń zerthanalyq bazasynyń jaǵdaıy mynadaı:
60 paıyz jabdyq Reseıde jasalǵan; 15 jyldan asqan jabdyqtyń úlesi 30 paıyz. Sonymen qatar 1960-70 jyldary jasalǵan qural-jabdyqtar bar.
«Osylaısha, akkredıttelgen 900 zerthananyń ishinde eń kóp degende 20 shaqty zerthana ǵana zamanaýı synaq jabdyqtaryn paıdalanýdyń artyqshylyqtaryn kórsetip, qazaqstandyq ónimdi ımporttaýshy elderdiń talaptary deńgeıinde jumys júrgizýge basa nazar aýdara alady. Ókinishke oraı, bul synaq zerthanalarynyń jalpy sanynyń shamamen 2-3 paıyzyn quraıdy», dep túsindiredi Almat Orynǵalıuly.