Qazaqstandyq MMA sheberi jeńisin Denıs Tenge arnady

ASTANA. QazAqparat - Ingýshetııanyń Targıme qalasynda M-1 Challenge-95: Taýdaǵy aıqastar-7 ótýde. Onda qazaqstandyq jekpe-jek sheberi Sergeı Morozov ýkraındyq Zaka Fatýllazadeni tehnıkalyq nokaýtpen jeńdi. Bul týraly Qazaqstan MMA federatsııasynan málim etti, dep habarlaıdy QazAqparat.

Aıqastyń alǵashqy mınýttarynda-aq Sergeı Morozov basymdyqty qolǵa aldy. Fatýllazadeni parterge yǵystyrǵan ol birneshe joıqyn soqqylaryn jiberdi. Osylaısha, 1 raýndtyń aıaqtalýyna 30 sekýnd qalǵanda qarsylasyn tehnıkalyq nokaýtpen jeńdi.

Jekpe-jekten keıin sóılegen sózinde Sergeı bul jeńisin qaza bolǵan Denıs Tenge arnaıtyndyǵyn aıtty.

«Bul jeńisimdi taıaý kúnderi qaıǵyly jaǵdaıda kóz jumǵan mánerlep syrǵanaýshy Denıs Tenge arnaımyn. Jeńisim oǵan jáne búkil Qazaqstanǵa arnalady. Alǵa, Qazaqstan!», - dedi ol.