Qazaqstandyq mamandar Koreıanyń jasandy ıntellekt, tsıfrlandyrý qyzmetterimen tanysty
Bul sapar Koreıa Respýblıkasy Іshki ister jáne qaýipsizdik mınıstrligi (MOIS), Koreıa Respýblıkasy Ulttyq aqparattyq qoǵam agenttigi (NIA), BUU Damý Baǵdarlamasy (BUUDB) jáne Astana Memlekettik qyzmet habynyń (Hab) Koreıa Respýblıkasynyń Úkimeti qarjylandyratyn birlesken jobasy aıasynda uıymdastyryldy.
Úsh kúndik sapar aıasynda «Jańa tsıfrlyq tehnologııalardy paıdalana otyryp memlekettik qyzmetterdi usyný» taqyrybynda semınar ótti. Memlekettik qyzmetkerler men praktıkter Koreıa Respýblıkasynyń memlekettik organdaryna baryp, memlekettik basqarý jáne memlekettik qyzmet salasyndaǵy ınnovatsııalardyń ozyq úlgilerimen, sonyń ishinde «elektrondy bult» saıasaty men tájirıbesi, kıberqaýipsizdik, jasandy ıntellekt, tsıfrlyq sáıkestendirý júıesi, blokcheın negizindegi memlekettik qyzmettermen tanysty.
NIA Prezıdenti Djongsýng Hvan COVID-19 pandemııasynyń shyǵýy tsıfrlyq úkimet qurý men ony damytý, azamattarǵa jasandy ıntellekt pen úlken derekter syndy jańa tehnologııalardy qoldana otyryp, memlekettik onlaın-qyzmetterdi usynýdyń mańyzyn búkil álemdegi úkimetterdiń túsinýine sebepshi bolǵanyn aıtty. Ol birlesken joba aıasynda 2021 jyldan bastap MOIS, NIA, BUUDB jáne Hab jeti elde ınnovatsııalar men memlekettik basqarý jáne memlekettik qyzmetterdi tsıfrlandyrý salasyndaǵy memlekettik qyzmetshilerdiń áleýetin arttyrýǵa belsendi túrde kúsh salyp kele jatqanyn eske saldy.
Habtyń basqarýshy komıteti tóraǵasy Álıhan Baımenov Koreıa Respýblıkasy Úkimeti men Ortalyq Azııa jáne Kavkaz elderi arasyndaǵy yntymaqtastyqtyń qundylyǵyna erekshe toqtaldy.
«Álemde tsıfrlyq quraldar men GovTech memlekettik basqarý jańa jaǵdaıda kezdesetin syn-qaterlerge tótep beretin negizgi quraldyń biri ekeni anyq. Qazirgi zamanǵy tehnologııalardy qoldanýmen qatar, el múddesin eskere otyryp, vedomstvoaralyq bytyrańqylyqty eńserý de mańyzdy. Koreıa Respýblıkasy osy saladaǵy álemdik kóshbasshylardyń biri bola otyryp, hab platformasynda óz tájirıbesimen bólisýge daıyn ekeni óte mańyzdy», — dedi Baımenov.
Іshki ister jáne qaýipsizdik mınıstrliginiń (MOIS) tsıfrlyq úkimet salasyndaǵy yntymaqtastyq bóliminiń dırektory Sondjý Son aımaq elderiniń qyzyǵýshylyǵyn eskere otyryp, MOIS-tiń jınaqtalǵan tájirıbesi jáne bilimimen bólisýge daıyn ekenin aıtty: «Baǵdarlamaǵa qatysyp jatqan barlyq eldiń memlekettik sektordaǵy tsıfrlyq ınnovatsııalarǵa degen berik ustanymyn kórip otyrmyz».
MOIS jáne NIA tanysý saparlaryn tsıfrlyq úkimettiń kórme zalyna (Sedjon q.), Naqysh basý, qorǵalǵan basyp shyǵarý jáne ID-kartalarmen jumys jónindegi korporatsııaǵa, sondaı-aq Ulttyq aqparattyq resýrstar qyzmetine (Tedjon q.) uıymdastyrdy. Qatysýshylar Anıan qalasynyń smart ortalyǵynda bolyp, qala azamattarynyń qoǵamdyq tártibi men qaýipsizdigin qamtamasyz etý úshin derekterdi óńdeý ıntegratsııalanǵan bazalaryn zerdelep, Samsung SDS-ke de bardy, onda analıtıka, jasandy ıntellekt jáne blokcheın tehnologııasy platformalaryn qosa alǵanda, tsıfrlyq transformatsııa salasyndaǵy ınnovatsııalyq sheshimderdi zerttedi.
