Qazaqstandyq qutqarýshylardyń ekinshi toby Túrkııadan 19 aqpan kúni qaıtady

ASTANA. QazAqparat – Respýblıkalyq jedel qutqarý jasaǵynyń jetekshisi Vladımır Tsoı qazaqstandyq qutqarýshylardyń ekinshi toby Túrkııadan 19-shy aqpan kúni keletinin málim etti, dep habarlaıdy QazAqparat.

«Búgin Almatyǵa Túrkııadan 38 adam keldi. Olardyń 33-i respýblıkalyq jedel qutqarý jasaǵynyń sarbazy, 5 apattar medıtsınasynyń dárigeri bar. Erteń osy bortpen Astanaǵa ózge de qutqarýshylar keledi. Olardyń arasynda Qaraǵandy, Astana jáne Kókshetaýdyń qutqarýshylary bar»,-dedi ol.

Aıta keteıik, búgin, 18 aqpan kúni Almaty áýejaıyna Túrkııadan qazaqstandyq quqarýshylardyń alǵashqy toby keldi.

Aıta keteıik, Memleket basshysy Qasym-Jomart Toqaev M. Ǵabdýllın atyndaǵy Azamattyq qorǵaý akademııasynda sóılegen sózinde qutqarýshylardyń Túrkııadan oralǵan soń mindetti túrde marapattalatynyn aıtqan bolatyn.

Elaman Turysbekov