Qazaqstandyq qurylys materıaldaryn tıimdi baǵada alý úshin onlaın platforma quryldy
«Qazirgi ýaqytta Qazaqstan turǵyn úı kompanııasy «Nurly jer» baǵdarlamasyna sáıkes turǵyn úı qurylysyndaǵy qazaqstandyq qurylys materıaldarynyń úlesin ulǵaıtý úshin onlaın-platformany (qurylys materıaldary marketpleısi) damytyp jatyr. Onlaın alańda eldegi barlyq qazaqstandyq qurylys materıaldaryn óndirýshiler óz ónimderi týraly aqparatty ornalastyra alady, al qurylys kompanııalary qajetti qazaqstandyq materıaldardy deldalsyz eń tıimdi baǵamen satyp ala alady», - dedi «Qazaqstan Turǵyn úı Kompanııasy» AQ basqarma tóraǵasynyń orynbasary Altaı Kúzdibaev Ortalyq kommýnıkatsııalar qyzmetinde ótken onlaın baspasóz máslıhatynda.
Spıkerdiń aıtýynsha, 2020 jyldyń birinshi kezeńinde «Nurly jer» baǵdarlamasy boıynsha salynyp jatqan 106 jyljymaıtyn múlik nysanynyń elektrondy smetalaryna taldaý jasalǵan. Elektrondy smetalardyń parsıng algorıtmi jasalǵan jáne «Nurly jer» ahýaldyq ortalyǵynda qurylys materıaldarynyń barlyq qajettiligi eseptelgen. Qazirgi ýaqytta 106 nysannyń qurylys materıaldaryna suranysy 51,4 mlrd teńgeni quraıdy.
«Sondaı-aq, biz «Nurly jer» baǵdarlamasy boıynsha qurylys kompanııalarynyń qurylys materıaldaryna qajettilikteri boıynsha onlaın vıtrına jasadyq. Onda qazaqstandyq qurylys materıaldaryn óndirýshiler suranysty kóre alady jáne qajet bolǵan jaǵdaıda tirkeýden ótken qurylys kompanııalaryna kommertsııalyq usynystar jibere alady. Qurylys kompanııalary jeke kabınetine qurylys materıaldaryn óndirýshilerden kommertsııalyq usynystar túskeni týraly habarlama alady jáne sol jerde kommertsııalyq usynystar qarastyrýǵa, tańdaýǵa múmkindik alady», - deıdi A. Kúzdibaev.
Qazirgi ýaqytta onlaın-vıtrına www.stroimaterial.kz adresi boıynsha testileý rejıminde iske qosylǵan.
Aıta keteıik, 2020 jyldyń qorytyndysy boıynsha elimizde 15,3 mln sharshy metr nemese 140 myń turǵyn úı paıdalanýǵa berilgen. Bul 2019 jylǵy kezeńnen 17% joǵary.
https://kaz.inform.kz/news/otken-zhyly-14-myn-kazakstandyk-zhenildetilgen-ipoteka-aldy_a3757620
Buǵan deıin «Otbasy bank» AQ ortalyq fılıalynyń dırektory Jansultan Mataı «Memlekettik baǵdarlamalar boıynsha turǵyn úı baǵasy qymbattaı ma?» degen suraqqa jaýap bergen edi.