Qazaqstandyq kolledjderde 4 myńnan astam bilim berý baǵdarlamasy jańartyldy
Olardyń barlyǵy Tizilimge engizilgen. Baǵdarlamalardy ázirleý úshin eńbek naryǵynyń qajettilikterin biletin jumys berýshiler tartyldy. Ásirese, jumys ornynda belgili bir mamandyqty ıgerý úshin qandaı daǵdylar men mashyqtar qajet ekendigi týraly jumys berýshilerdiń pikiri erekshe eskerildi.
Mysaly, «Eurasia Group Kazakhstan» JShS usynysymen «Aýyl sharýashylyǵyn mehanıkalandyrý» mamandyǵy boıynsha bilim berý baǵdarlamalaryna aýyl sharýashylyǵy tehnıkasynyń elektrıka, gıdravlıka, transmıssııa, navıgatsııa jáne otyn júıeleri bólimderin oqytý qosyldy. Kolledjderdiń áleýmettik seriktesteriniń, Discovery Borovoe shıpajaıynyń usynysymen «Tamaqtanýdy uıymdastyrý» mamandyǵy boıynsha bilim berý baǵdarlamasyna vegetarıanshylarǵa arnalǵan taǵamdardy, dıetalyq jáne durys tamaqtanatyndarǵa arnalǵan taǵamdardy daıyndaý daǵdylary men mashyqtary engizilgen.
«Barlyq bilim berý baǵdarlamasy MJMBS jáne kásiptik standarttardyń sáıkestigine saraptamadan ótip, olardy ári qaraı Bilim berý baǵdarlamalarynyń tizilimine engizedi. Osylaısha, bilim berý baǵdarlamalaryn saraptaý búgingi eńbek naryǵynyń qajettilikterine jáne talaptaryna sáıkes keletin baǵdarlamalardy tańdaýǵa múmkindik berdi. Oqytýdyń mynadaı baǵyttary boıynsha bilim berý baǵdarlamalary ázirlendi: ınjenerlik, óńdeý jáne qurylys tehnologııalary, bilim berý, qyzmet kórsetý salasy, qarjy jáne quqyq, aqparattyq-kommýnıkatsııalyq tehnologııalar (AKT) jáne t.b. Ázirlenip jatqan bilim berý baǵdarlamalarynyń ózektiligi men sapasyn qamtamasyz etý úshin kolledjder janyndaǵy Indýstrııalyq keńester sanyn ulǵaıtý jóninde sharalar qabyldandy. Buryn olardyń sany 513 bolsa, qazir 578-ge jetip otyr. ıAǵnı bilim berý baǵdarlamalaryn ázirleýge atsalysatyn jumys berýshiler sany kóbeıip keledi. Bul «Qaztsınk» JShS, «Sokolov-Sarybaı taý-ken baıytý óndiristik birlestigi» AQ, «TNK» AQ fılıaly, «Don taý-ken baıytý kombınaty», «QazHrom», «BOSCH Service» JShS, «Bıpek Avto Qazaqstan» AQ, «Astana ıÝtarııa ltd» ınnovatsııalyq óndiristik kompanııasy» JShS jáne t.b. iri kásiporyndar», - dedi Oqý-aǵartý mınıstrligi Tehnıkalyq jáne kásiptik bilim departamentiniń dırektory Nasymjan Ospanova.
Otandyq kolledjderge akademııalyq erkindik berilgenin eske sala keteıik. Endi bul jumys berýshilermen birge stýdentterdiń oqý merzimin anyqtaýǵa múmkindik beredi. Mysaly, buryn oqý merzimi ortasha eseppen 2 jyldan 4 jylǵa deıin bolsa, endi kolledjder mamandyqtyń kúrdeliligi men qajetti oqý nátıjelerin eskere otyryp, oqý merzimin óz betinshe anyqtaýǵa múmkindik aldy.
Bilim berý baǵdarlamasyn meńgerý merzimderi oqý josparlarynyń úlgileri boıynsha kredıtter kólemimen anyqtalady. ıAǵnı negizgi orta bilim negizinde jumysshy biliktilikterin ıgerý úshin biliktiliktiń kúrdeliligine qaraı 120-dan 180 kredıtke deıin talap etiledi.
Mysaly, Aqtóbe qurylys jáne bıznes kolledjinde «Tehnık-mehanık» biliktiligimen «Dánekerleý isi» jáne «Tehnık-qurylysshy» biliktiligimen «Ǵımarattar men qurylystardy salý jáne paıdalaný» mamandyǵy boıynsha oqý merzimi qysqartyldy.
Buryn stýdentter orta býyn mamanynyń bir ǵana biliktiligin alsa, endi olar jańa formattaǵy bilim berý baǵdarlamalary boıynsha sol ýaqyt aralyǵynda jumysshy biliktiligin de, orta býyn mamany biliktiligin de meńgerýge múmkindik aldy.
