Qazaqstandyq kishkentaı blogerler alǵash ret Nickelodeon Kids Choice Awards úmitkerleri qataryna kirdi
Saltanatty rásim 4 naýryzda Los-Andjeleste ótedi jáne munda balalar arasyndaǵy kıno, teledıdar, mýzyka, sport pen áleýmettik jeliler áleminiń eń tanymal ókilderi baq synaıdy. Sonymen qatar, balalarǵa arnalǵan súıikti ánder, fılmder, teleshoýlar men serıaldar da atalyp ótedi.
Bıylǵy jyly Kids Choice Awards syılyǵyna Beıonse, Krıs Evans, Ledı Gaga, Selena Gomes, Lızzo, Garrı Staıls, Serena Ýılıams, Ed Shıran, Teılor Svıft jáne taǵy basqalar usynyldy. Alǵash ret usynylǵandardyń arasynda Djenna Ortega, Djek Harloý, GAYLE, Djodjı, Nıkı ıÝr, Letıtsııa Raıt jáne basqalar bar. «Ochen strannye dela» serıaly alty nomınatsııa tiziminiń kósh basynda tur, odan keıingi oryndardan árqaısysy tórt nomınatsııadan turatyn «Oh ýj eta Leı-Leı», «Klassnyı mıýzıkl: Mıýzıkl» jáne «Volshebnye pokrovıtelı: Eşe volshebnee» serıaldaryn kórýge bolady.
Nickelodeon Kids' Choice Awards syılyǵy álemdik sýper juldyzdardan basqa, álemniń ár tarapyndaǵy ınflıýenserler úshin aımaqtyq nomınatsııalardy da qamtıdy. Bıylǵy jyly saltanatty rásim tarıhynda alǵash ret Qazaqstannan «Súıikti qazaqstandyq ınflıýenserler» nomınatsııasy boıynsha tórt úmitker: Alına Kım (Homa), Amına Malgajdar (Amınka Vıtamınka), Jasmın Saıdeldınova (Jessysclick) jáne Batyr (Batyr White) saıysqa túsetin bolady.
Úmitkerlerdiń búkil álem boıynsha jankúıerleri Kids Choice Awards-tyń resmı saıtynda 31 kategorııa, sonymen qatar álem boıynsha aımaqtarda qoljetimdi bolatyn 32 halyqaralyq kategorııada daýys bere alady.
Nickelodeon Kids' Choice Awards-2023 búkil álem boıynsha túrli platformalarda kórsetiledi. Qazaqstanda saltanatty rásimdi 8 naýryz kúni saǵat 20:00-de, qazaq tilinde Nickelodeon HD arnasynan kórýge bolady. Aımaqtyq nomınatsııa jeńimpazy sol kúni arnanyń Instagram jelisindegi paraqshasynda jarııalanady.
Foto: kca.nick.co.uk
