Qazaqstandyq kásipkerler traktorǵa qajet buıym jasaýǵa atsalysa alady

NUR-SULTAN. QazAqparat – Qazaqstandyq shaǵyn jáne orta bıznes ókilderi «Agromashholdıng KZ» AQ bazasynda traktorǵa qajet buıym jasaýǵa atsalysa alady, dep habarlaıdy QazAqparat tilshisi.

Bul týraly Qazaqstan mashına jasaýshylarynyń ІH forýmynda QR Indýstrııa jáne ınfraqurylymdyq damý vıtse-mınıstri Marat Qarabaev aıtty.Ol forýmnyń plenarlyq otyrysynda áıgili Hyundai kompanııasymen birlesken jobalarǵa toqtaldy.

«Hyundai Trans Auto» JShS arnaıy tehnıkaǵa arnalǵan shanaqtardy shyǵaratyn bolady jáne «Hyundai Trans Kazakhstan» JShS zaýyt bazasynda óndiriletin jeńil kólik quraldaryna arnalǵan esik tutqalary men rezeńke buıymdar óndirisin jolǵa qoıyp otyr.

Sońǵysy, «Agromashholdıng KZ» AQ bazasynda osy jyldyń naýryz aıynda Qostanaı oblysynda oqshaýlaý ortalyǵy iske qosyldy. Jobaǵa salynǵan 30 mln dollar ınvestıtsııa salý kózdelgen. Sonyń arqasynda 450 jumys orny qurylady. Sondaı-aq, mamandandyrylǵan oqý ortalyǵy iske qosyldy.

Bul jobanyń ereksheligi – onyń bıznes-ınkýbator» dep atalatyn alańy bolady. Oǵan komponentterdi óndirýmen aınalysatyn shaǵyn jáne orta bıznes keletinder kire alady», - dedi vıtse-mınıstr.

Onyń aıtýynsha, bul óndiristiń tutastaný deńgeıin arttyrýǵa jáne komponentterdi óndirýge yqpal etedi.

«Qazirdiń ózinde oqshaýlaý ortalyǵynda «Kırovets», «Lovol» traktorlaryna arnalǵan shyny plastık pen ballasty júkter daıyndalýda. Jalpy, 2 myńǵa jýyq bólshek shyǵarý josparlanyp otyr.

Osylaısha, el naryǵynda salaýatty básekelestik artyp keledi. Bul avtomobıl komponentteriniń bazasyn damytýǵa jáne túpkilikti qunyn tómendetý arqyly ónim sapasyn arttyrýǵa oń áser etedi», - dedi Marat Qarabaev.