Qazaqstandyq karateshi Sofııa Berýltseva Islamıadada altyn aldy

NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda karate-dodan Sofııa Berýltseva chempıon atandy, dep habarlaıdy QazAqparat tilshisi.

Búgin qazaqstandyqtar sporttyq gımnastıka, kıkboksıng, karate-do sportynan synǵa tústi.

Karate-do sportynan 68 keliden joǵary salmaqta Sofııa Berýltseva chempıon atandy.

Sondaı-aq, 18 tamyzda kıkboksıngten Berik Ysqaqov (63,5 keli) altyn aldy. Oǵan qosa Batyrhan Qýandyqov (63,5 keli), Nurdáýlet Qalshora (57 keli), Shara Hamzına (60 keli) qola júldeger atandy.

Aıta ketsek, atalǵan sport túrinen 17 tamyzda Nursultan Jumabaev (51 keli), Álıhan Ozdoev (67 keli), Marat Ósipov (71 keli) chempıon atanǵan edi.

Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.

Bıylǵy dodaǵa 55 elden sportshylar keldi. Oıyndar 8 tamyzda bastalǵan edi. Búgin, 18 tamyzda máresine jetedi.