Qazaqstandyq «Evolution» teplovozdarynyń básekege qabilettiligi joǵary

/Qanat Mámetqazyuly/ -Astanadaǵy «Lokomotıv qurystyrý zaýyty» AQ-men shyǵarylatyn otandyq «Evolution» teplovozdarynyń básekege qabilettiligi joǵary. Bul týraly búgin Astanadaǵy Lokomotıv qurastyrý zaýytynda ótken brıfıng barysynda «LQZ» AQ prezıdenti Marat Tileýbaev málim etti.

«Qazaqstandyq teplovoz sapasy jaǵynan da, baǵasy jaǵynan da básekege qabiletti. Jalpy dúnıejúzinde eń joǵary deńgeıde baǵalanatyn teplovozdar jasaıtyn zaýyt kóp emes. Degenmen álemdik deńgeıdegi jetekshi kompanııa «General Electric» bolsa, bizdiń teplovozdar solardyń jobasymen jasalýda. Onyń ústine bizdiń zaýytqa Reseı mamandary kelip, tamsanyp ketti. Sonymen qatar, besinshi býyn teplovozynyń qazirgi TMD aýmaǵynda shyǵarylatyn teplovozdardan aıyrmashylyǵy asa kóp», - deıdi M. Tileýbaev. Onyń aıtýynsha, zamanaýı tehnologııalarmen, kompıýtrlendirýmen jabdyqtalǵan qazaqstandyq teplovozdyń sapasy Qytaı teplovozdaryna qaraǵanda asa joǵary. Sondyqtan da, qazaqstandyq teplovozǵa Qytaı da, Reseı de básekeles bola almaıdy.

«Aǵymdaǵy jyly Máskeýde teplovozdardyń tartys-qozǵalys quramy boıynsha kórme ótken edi. Bunda da barlyq marketıngtik kompanııalar qazaqstandyq teplovozdyń qýatyn joǵary baǵalady. Jalpy qazaqstandyq «Evolution» serııasyndaǵy teplovozdar Reseıde shyǵarylatyn teplovozdarǵa qaraǵanda tehnıkalyq sıpaty jaǵynan birshama artyq baǵalanady jáne baǵasy onymen salystyrǵanda 30 paıyzǵa deıin tómen. Sonymen qosa, teplovozdyń besinshi býyny sanalatyn «Evolution» Keńes odaǵynan beri qoldanylyp kelgen eki teplovozdy almastyra alady. ıAǵnı, otandyq teplovoz otyndy únemdeý, ekologııalyq zalaldyń tómendigi, klımattyq beıimdiligi jaǵynan ozyp tur. Sondyqtan da, Reseıdiń kóptegen jekemenshik kompanııalary qazaqstandyq teplovozǵa qyzyǵýshylyq tanytyp otyr», - deıdi brıfıng barysynda «QTJ» AQ «Jańa jáne ımportty almastyratyn jobalar ortalyǵy» fılıalynyń dırektory Maqsut Isaqov.