Qazaqstandyq dıplomattar Máskeýde Abaı kúnin atap ótti

NUR-SULTAN.QazAqparat - Qazaqtyń uly aqyny Abaı Qunanbaıulynyń týǵanyna 176 jyl tolýyna oraı, Reseıdegi Qazaqstan Elshiliginiń dıplomattary Reseı astanasyndaǵy Chıstye Prýdy býlvarynda ornalasqan aqynnyń eskertkishine gúl shoqtaryn qoıdy.

Bul týraly QazAqparat QR Syrtqy ister mınıstrliginiń baspasóz qyzmetine silteme jasap habarlaıdy.

Kórnekti tulǵaǵa qurmet kórsete otyryp, dıplomattar onyń shyǵarmashylyǵynyń arqasynda Pýshkın, Lermontov, Gete, Baıron, Shıller jáne basqa da álemdik mádenıet ókilderiniń shyǵarmalary qazaq tilinde «sóılegenin» atap ótti.

«Іs-shara aıasynda Elshilik qyzmetkerleri Abaıdyń Qara sózderin oqyp, onyń «Jelsiz túnde jaryq aı» ánin shyrqady»,-delingen habarlamada.