Qazaqstandyq dıqandarǵa 5 paıyzben nesıe berilmek

NUR-SULTAN. QazAqparat – Sharýalarǵa kóktemgi egistik jumystar úshin jeńildetilgen nesıe berilmek, dep habarlaıdy QazAqparat.

Naýryz aıynyń basynda Agrarlyq nesıelik korporatsııa «Keń dala» baǵdarlamasy boıynsha egis jáne jınaý naýqanyn qarjylandyrýdy bastady. Osy maqsatqa oraı respýblıkalyq bıýdjetinen 70 mıllıard teńge bólindi. Bul qarajat jeńildetilgen nesıe túrinde qazaqstandyq fermerlerge qol jetimdi.

Búgingi kúni 518 fermerler jalpy somasy 31,5 mlrd teńgeden astam nesıe aldy. Alynǵan nesıeniń paıyzdyq mólsherlemesi 5% -dan aspaıdy. Sonymen qatar, qazirgi ýaqytta 24,8 mlrd teńge quraıtyn 1 129 aýyl sharýashylyǵy taýar óndirýshileriniń nesıelik ótinimderi maquldandy.