Qazaqstandyq boksshy Rýslan Myrsataev eshqashan jeńilip kórmegen Maık Bologýnmen aıqasady

ASTANA. QazAqparat - Asa aýyr salmaqtaǵy qazaqstandyq boksshy Rýslan Myrsataevtyń «EKSPO-2017» halyqaralyq kórmesi aıasynda uıymdastyrylǵan boks keshindegi qarsylasy anyqtaldy, dep habarlaıdy «QazAqparat» HAA tilshisi.

«Rýslan Myrsataev AQSh boksshysy Maık Bologýnmen qolǵap túıistiretin bolady. Maık Bologýn kásibı mansabynda 11 kezdesýiniń 8-in nokaýtpen aıaqtaǵan jáne birde-bir ret jeńilip kórmegen», - dep habarlady Qazaq promotions kompanııasynyń baspasóz qyzmeti.

Degenmen, amerıkalyq boksshy úshin 9 qyrkúıektegi kezdesý onyń AQSh aýmaǵynan tys ótkizetin alǵashqy jekpe-jegi bolmaq.

Rýslan Myrsataev halyqaralyq sport sheberi, Olımpıada oıyndarynyń shırek fınalısi. «Astana Arlanstyń» bes maýsymynda synǵa túsken sportshy ózin jaqsy qyrynan tanytyp úlgerdi. Kásibı rıngte úsh kezdesý ótkizip,  bárinde de basym tústi. Ataqty aýyr salmaqtaǵy boksshy Oleg Kovalchýktiń qol astynda jattyǵyp jatyr.