Qazaqstandyq boksshy qarsylasyn 1 mınýtta nokaýtpen jeńdi

ASTANA. QazAqparat - Birinshi orta salmaqta judyryqtasatyn qazaqstandyq kásipqoı boksshy Madııar Áshkeev Nıý-Iorktegi Madison Square Garden arenasynda ótken jekpe-jeginde qarsylasyn 1 mınýt 52 sekýndta tehnıkalyq nokaýtpen jeńdi, dep habarlaıdy QazAqparat.

Bul týraly qazaqstandyq kásipqoı boksshy Qanat Islamnyń PR menedjeri Berik Sultan óziniń Facebook-tegi paraqshasynda jazdy. 

Ol áleýmettik jelidegi paraqshasyna «Qýan, qazaq Madııar Áshkeev qarsylasyn 1 raýndta qulatyp jeńiske jetti», - dep jazyp, jekpe-jek alańynan túsirgen vıdeony jarııalady.

Otandasymyz amerıkalyq boksshy Hose Antonıo Abreýmen judyryqtasqan bolatyn. Jekpe-jek bar bolǵany 1 mınýt 52 sekýndqa ǵana sozyldy. Otandasymyzdyń Hose Antonıo Abreýge tıgen joıqyn soqqysyna qarsy tura almaı, tizerlep baryp qulaǵan. Osydan keıin,  tóreshi jekpe-jekti toqtatty.

Bul otandasymyz Madııar Áshkeev kásipqoı bokstaǵy 9-shy jeńisi. Ol áli birde-bir jekpe-jeginde jeńilip kórmegen.

Esterińizge sala keteıik, osyǵan deıin taǵy bir otandasymyz Meıirim Nursultanov meksıkalyq qarsylasyn nokaýtqa túsirgeni týraly jazǵan bolatynbyz.