Qazaqstandyq bitimgerler Qyzyl Krest trenınginen ótti

ALMATY. QazAqparat – Halyqaralyq áleýmettik quqyq jáne qarýly qaqtyǵystar quqyǵy jónindegi nusqaýshylarǵa arnalǵan trenıng Almaty qalasynda «Beıbitshilik jolyndaǵy seriktestik» (KAZTsENT) oqý ortalyǵynda ótti, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Sabaq Orta Azııadaǵy Halyqaralyq Qyzyl Krest komıtetiniń aımaqtyq ókildiginiń qoldaýymen uıymdastyryldy. Trenıng Qazaqstan qorǵanys vedomstvosy men halyqaralyq uıymnyń 2019 jylǵa bekitken yntymaqtastyq josparyna sáıkes birlesken sharalarynyń bir bóligi.

Budan basqa, bitimgershilik áleýetin odan ári damytý jáne qazaqstandyq áskerı qyzmetshilerdi daıarlaý aıasynda «Beıbitshilik jolyndaǵy áriptestik» oqý ortalyǵynyń (QAZTsENT) bastyǵy, polkovnık Amangeldi Áýbákirov QR Syrtqy ister mınıstriniń orynbasary Erjan Áshibaevpen kezdesti.

Taraptar ortalyqtyń aǵymdaǵy qyzmetin talqylady jáne yntymaqtastyqty jalǵastyrýǵa, onyń ishinde úzdik halyqaralyq tájirıbege sáıkes BUU mıssııalaryna qatysý úshin Qazaqstannyń áskerı qyzmetkerlerin daıarlaýdy uıymdastyrýǵa daıyn ekenin rastady.