Qazaqstandyq bankter bólimshelerin jappaı qysqartyp jatyr
Jyl basynan beri eldegi ekinshi deńgeıli bankterdiń bólimsheleri 5,2 paıyzǵa qysqaryp, bankomattar jelisi 11,5 paıyzǵa keńeıgen. Maýsym aıynyń sońyna qaraı Qazaqstan aýmaǵynda 11 myń bankomat qondyrǵysy tirkelgen.
«Olardyń ishinde cash-in fýnktsııasy bar bankomattar sany - 3,6 myń. Bul 2018 jylmen salystyrǵanda, 72,1 paıyzǵa nemese 1,5 myń danaǵa artyq. Qolma-qol aqsha qabyldaý fýnktsııasy joq bankomattar sany bir jylda 5 paıyzǵa nemese 384 qurylǵyǵa qysqardy. Nátıjesinde keńeıtilgen fýnktsıonaly bar bankomattardyń úlesi 21,3 paıyzdan 33 paıyzǵa ósti», - delingen saıttyń málimetinde.
Osy tendentsııanyń áserinen maýsym aıynyń sońyna qaraı ekinshi deńgeıli bankterdiń 133 bólimshesi jabylyp, 1926 bólimshe qalǵan bolatyn. Tamyz aıynda olardyń sany taǵy 0,6 paıyzǵa qysqaryp, 1915 ǵımarat qaldy. Sonda byltyrǵy tamyz aıynan beri 105 bólimshe jabylǵan. Onyń 57-si jumysyn toqtatqan Qazaq Banki, «Astana» jáne «Eksımbank» uıymdaryna tıesili.
Bólimsheleriniń sanyn qysqartqan bankterdiń kóshin Kaspi Bank bastap tur. Bul bank birden 18 bólimshesin taratqan. Qazir onyń 201 bólimshesi jumys istep tur. Esesine qarjy uıymy bankomat jelisin keńeıtýge kúsh salyp jatyr. Qazir Kaspi Bank bankomta sany boıynsha «Halyq bankten» keıin ekinshi orynda tur. Jýsan Bank te 17 bólimshesin qysqartypty. Ázirge 138 bólimshesi 17 óńirde jumys isteýde. ATF Bank 13 fılıalyn qysqartqan. «Halyq banktiń» QazKom-dy quramyna qosqanyn eskersek, onyń quramynda áli de bosa 656 bólimshe jumys istep turǵanyn túsinýge bolady.
