Qazaqstandyq áskerıler Tetris challenge fleshmobyna qosyldy

AQTAÝ. QazAqparat - Aqtaý qalasynda QR Áskerı-teńiz kúshteriniń áskerı qyzmetshileri «Tetris Challenge» álemdik fleshmobyna qosyldy, dep habarlaıdy QazAqparat Qorǵanys mınıstrligine silteme jasap.

Olar «Barys» áskerı kemesin, jeke quramdy, qarý-jaraqty, arqandap baılaý, súńgýir jáne órt sóndirý múlikterin, jeke quramnyń jabdyqtaý elementteri men amýnıtsııalaryn kórsetti. Onyń ishinde «Admıral» motorly qaıyǵy, gıdrokostıým, qutqarý keýdeshesi men sheńberleri, Barer-VK-dan QR-2V zymyrandary, 9m-313 buıymy, 12,7 mm «KORD» , 12,7 mm oq-dárileri bar «NSVP» oqshasharlary, 30 mm AÝ AK-306 oq-dáriler, teńiz tútindi shashkalar, arqandap baılaý ushtary men krandar, sýdy soryp alýǵa arnalǵan tasymaldanatyn sorǵy, órt sóndirgishter, jyljymaly tirekter men plasterler, ótý jáne shyǵý úshin uzyn jáne qysqa trap úlgileri.

Tetris Challenge fleshmobyn 1 qyrkúıekte Tsıýrıh (Shveıtsarııa) polıtseıleri bastady. Álem boıynsha atalmysh fleshmobqa órt sóndirýshiler, polıtsııa, jaǵalaý kúzeti, áskerı qyzmetshiler, jedel járdem jáne basqa da shuǵyl qyzmetter qosyldy.

Aıta keterligi, áskerı-teńiz kúshteri Kaspıı teńiziniń qazaqstandyq sektoryndaǵy Qazaqstan Respýblıkasynyń aýmaqtyq tutastyǵyn, egemendigin, ekonomıkalyq múddelerin qorǵaýǵa arnalǵan QR Qarýly kúshteriniń túri.