Qazaqstandyq akkýmýlıatorlar TMD elderimen qatar taǵy 4 memleketke eksporttalady

NUR-SULTAN. QazAqparat – Taldyqorǵanda jasalatyn «Kainar», «Bars», «Nomad» jáne «Vojak» degen ataýlarmen belgili otandyq akkýmýlıatorlar TMD elderine, Germanııaǵa, Polshaǵa, Qytaıǵa jáne Birikken Arab Ámirlikterine eksportqa shyǵarylady.

Bul týraly QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap habarlaıdy.

Kásiporyn jumys isteı bastaǵaly tolyqtaı tehnologııalyq tsıkldy jolǵa qoıdy. ıAǵnı, qazir eshqandaı qurastyrýshy buıymdarǵa muqtaj emes. Usaq bólshekterdi quıýdan bastap daıyn akkýmýlıatorlardy biteýge deıingi barlyq qajetti buıymdar men jumystar kásiporyn tsehynda jasalady.

2020 jyldyń qarasha aıynda «Qaınar–AKB» zaýytynda akkýmýlıator batareıalary óndirisiniń jańa jelisin iske qosý saltanatty sharasy bolyp ótti. Atalǵan joba «Qaınar–AKB» men Jasyl tehnologııalar men ınvestıtsııalyq jobalar halyqaralyq ortalyǵy (IGTIC) arasyndaǵy yntymaqtastyq týraly memorandým aıasynda iske asyryldy. Jańa jelini iske qosýdyń arqasynda zaýyttyń óndiristik qýaty jylyna 3,7 mln akkýmýlıator shyǵarýǵa deıin artady.

Qazirgi ýaqytta zaýytta jylyna 2,5 mln. danaǵa deıin akkýmýlıator batareıasy óndiriledi.