Qazaqstandyq 5 myńǵa jýyq pedagog biliktilikterin synady

ASTANA. QazAqparat - 5 myńǵa jýyq pedagog qatysqan «Pedagogıkalyq ıdeıalar panoramasy-2022» respýblıkalyq baıqaýy óz máresine jetti, dep habarlaıdy QazAqparat.

Oqý-aǵartý mınıstrliginiń málimetinshe, birneshe aı boıy muǵalimderdiń barlyǵy tájirıbelerin, óz pánin oqytýdyń ınnovatsııalyq jáne avtorlyq tásillerin vıdeoǵa túsirip, Youtube jelisinde bólisken.

«Nátıjesinde 67 adam jeńiske jetti. Baıqaýdy «Órleý» biliktilikti arttyrý ulttyq ortalyǵy jyl saıyn ótkizip keledi. Bıyl qatysýshylar sany aldyńǵy jyldarmen salystyrǵanda shamamen eki esege kóp», - dep jazdy vedomstvodan.