Qazaqstandyqtardyń quqyǵy shetelde qalaı qorǵalady

ASTANA. KAZINFORM – Qazaqstan Respýblıkasynyń soty el ishinde ǵana emes, shetelde de azamattardyń quqyǵyn qorǵaý úshin halyqaralyq quqyqtyq kómek kórsetedi.

Elorda sotynyń málimetine súıensek, Qazaqstan azamattaryna shetelde quqyqtyq kómek kórsetiletin negizgi baǵyttar:

- Sot qujattaryn tapsyrý;

- Aıǵaqtardy alý, saraptama júrgizý jáne basqa da protsester;

- Shetel sottarynyń sheshimderin taný jáne oryndaý;

- Shetelden alıment óndirý.

Shetelde sot protsesi qalaı júzege asyrylady?

Barlyq áreket Gaaga, Mınsk jáne Kıshınev konventsııalary sııaqty halyqaralyq kelisimderge nemese ózara árekettestik qaǵıdatyna sáıkes júzege asyrylady. Sot tapsyrmalary halyqaralyq standarttarǵa saı daıyndalyp, olardyń oryndalýyna kepildik beriledi.

- Qazaqstan soty azamattardyń quqyǵyn álemniń kez kelgen núktesinde qorǵaý úshin halyqaralyq seriktestikti keńeıtip, protsesterdi jetildirýdi jalǵastyrýda, - delingen habarlamada. 

Eske sala ketsek, ótken jyldyń sońynda Memleket basshysy otandyq sot júıesin reformalaýǵa qatysty zańǵa qol qoıdy.