Qazaqstandyqtardyń 45 paıyzy eki tilde sóıleıdi

2021 jylǵy halyq sanaǵy boıynsha 5 jastan asqan halyqtyń 44,9% - eki til, 28,6% – úsh til meńgergen. Sanaq qorytyndysy boıynsha taǵy 1,7 paıyzy 4 tilde sóıleıdi, halyqtyń 0,2% 5 til biledi. 6 til biletin polıglottardyń úlesi 0,1% nemese 8 845 adamdy qurady, dep habarlaıdy Kazinform ulttyq statbıýroǵa silteme jasap.

Qyzyqty derek, erlerge qaraǵanda 4-5 tildi meńgergen áıelderdiń úlesi basym, sáıkesinshe 47,9% jáne 52,1%.

Biraq 6 jáne odan da kóp tildi biletin erler úlesi, kerisinshe, áıelderdiń úlesinen asyp túsedi — 55,6%.

Óńirlik bóliniste 5 jáne odan da kóp tildi biletin polıglottar Almaty qalasynda turady.

Bul rette 35,1% nemese 6 042,1 myń adam aǵylshyn tilin biledi, onyń 27,6% — erkin sóıleıdi.

Jas segmentinde aǵylshyn tilin biletinderdiń úlesi 10-14 jas jáne 25-29 jas aralyǵynda kóp.